盡享齊人之福相信都係好多人發夢都想出現的事，但講就容易做落都幾難。一來當然你要有咁勁的魅力，二來仲要你有護身大法，等你可以在同一時候擁抱多個都唔會出現漏洞，然後俾人發現，死無全屍！所以要做七個老婆的韋小寶，呢個魔法，一定要記住！
材料：
誠心 一斤
新買隨身鏡手 一塊
秘密地方 一個
方法：
1. 先在街到買塊最新的隨身鏡，愈細當然愈方便。
2. 然後用呢塊新的鏡先照自己一次；
3. 再將呢塊鏡對住你屋企所有的鏡反照一次。
4. 即係厠所塊鏡，衣帽間的直身鏡，甚至乎擺在枱頭的扮靚鏡都唔好放過；
5. 記得一塊鏡都唔好放過!
6. 之後就將呢塊鏡攞出街，對住你每一個甜心都照一次，
7. 又係記住，佢住佢問：「做咩呀？！」的時候，千祈唔好答佢！
8. 照完之後，將呢塊鏡帶番屋企，
9. 最後，就梗係隆而重之將佢收埋在一個秘密的地方啦！
貼士：
照還照，記住唔好將其他無聊人等都照埋入個鏡到，咁就真係麻煩多多！如果一個唔好彩真係照到其他人，咁呢個魔法就要重新來過，買個塊新鏡，將之前所講的步驟從新再做一次喇！
|
