|
張智霖的內心世界：
出生日期：1971年8月27日
太陽星座：處女座(22/8-22/9)
月亮星座：天蠍座
繼彭國楝以後，係時候又講下電視劇裏面，張智霖飾演口既陽光喇！部戲裡面佢好知足常樂，無咩野心，但現實生活中既佢，相信又係另一回事喇。張智霖處女加天蠍，兩個星座出名實幹型，加上百分之一百追求完美，所以同你做事都幾好，因為佢見唔順眼，一定會做到好為止，咁你自然唔使死！之不過話又分兩頭，同佢做事佢都會迫到大家去牆邊，直至做到好為止，所以有時候，你又會俾佢既緊張迫得走投無路，好鬼辛苦！不過總括而言，工作中既佢，好精明同能幹，所以真係抵讚佢一句！至於愛情方面，話時話佢真係無咩時間拍拖，成日掛住做野，但其實如果佢真係愛你，以佢天蠍座既細心同溫柔，真係會令你好鬼開心，正所謂百忙之中抽一點時間出來便是這個意思，對於身邊既佢，唔好期望佢會隨時隨地口係身邊守候，佢唔係黐身口個隻，但若果鍾意你，佢又會好長情喎，所以呢，呢種男人都揀得過！
張智霖鍾意ｏ既女性類型：
口係佢身邊既你，最緊要係識體諒，佢個樣有時可能好嚴肅，以為佢發緊脾氣，其實可能係因為佢想將件事做好口的！所以身邊既你，若然愛佢既話，記得俾多點時間佢做野，當佢既工作順利既時候，佢一定會好錫你，但當佢遇到唔開心既事，呢個時候，你就要識安慰佢，咁呢個百分百既幕後女人，佢會識點樣對你好！
對付星座處女男招數：做個多功能的女人！
對於一個如斯實際的處女男來說，你愈多Functions他愈愛你！你識計數加兩分，你個樣省鏡加五分，甚至乎你識打字、烹飪……，他都會一一將之放進評分表內。沒有人知道在他心目中，他對你的愛有多深；但至少你有權相信，他一定不能沒有你！
最愛星座：天蠍座
最憎星座：獅子座
招愛物：唇膏/紫水晶
今年愛情中Point指數：88%
返回寶寶星話一句句主頁
|
