|
言承旭的內心世界：
出生日期：1977年1月1日
太陽星座：山羊座(21/12-19/1)
月亮星座：金牛座
唔怪之得言承旭可以咁紅啦！山羊人出名勤力，事業心重，再加上月亮星座係金牛座，所以從事藝術方面一定會有好大的成就！證明左佢絕對係入啱行，而且會愈老愈發達，愈老愈有錢！不過記住唔好咁硬頸，有時都要聽下身邊的人講，咁就會更加易發達！
愛情方面，好坦白，你都幾傻下傻下，唔係好知道人地鐘意你，所以就算他人暗戀緊你，你都只不過過係覺得你又多左個能夠互相交流的朋友咁大把，真係令人好鬼討厭！就算你真係愛上一個人都好，你都唔會好開心？點解？因為你太多憂慮，成日問自己：「你估我們幾時會分手？」，又會好有責任感，仲要係超級那種，所以有時會令自己有好大壓力！拍拖咋，唔駛迫到自己有氣無頂抖的！
言承旭鐘意的女性類型：
如果你係一個好溫柔的女仔，你已經有５０分；如果你有理想，有智慧，肯定勝出機會高十多倍！山羊人鍾意細水長流的戀情，激情只會嚇死佢，所以千祈唔好試！費事下次見到你都掉頭走！另外，佢好需要一個聆聽者，如果你好多口的話，唔該收口！仲有，佢唔係好想知道你的事架咋，唔該唔使一識人就畫公仔畫晒出腸，知唔知神秘其實都係一個招數，等佢可以慢慢發掘你，咁先至好玩嘛！
最愛星座：處女座
最憎星座：天秤座
今年愛情中Point指數：90%
對付星座山羊男招數：給他一個工作空間
不要做跟得夫人，不要埋怨他只懂做、做、做而把你冷落在一旁！對他來說，工作不單是搵錢的地方，更是證明他的能力，表現他的魅力，決定他人生觀的好地方。沒有了事業，等如烏龜沒有了殼一樣，六神無主，愛他，那就默默支持他，讓他安心做過夠！
返回寶寶星話一句句主頁
|
