你估似金城武ｏ既又南，又會唔會好似真正ｏ既金城武咁，好Coolｏ既呢？即時起盤，即刻就知！

黃又南的內心世界：出生日期：1983年11月2日
太陽星座：天蠍座(23/10-22/11)
月亮星座：天秤座
金星星座：處女座
單睇盤，又南集合天蠍的神秘美和天秤的冷酷美，不殺死眾兄弟姊妹才怪！對於這樣的一個組合，ｏ係工作上實在幫上很大忙，尤其是一ｏ的面對人群ｏ既工作，佢好識知道對住咩人要講咩說話，外交官都可以做埋，加上佢好有決策能力，唔輕意任人擺佈，講到尾，佢好知自己要咩，唔只知，仲會用佢自己ｏ既一套順得人態度去講俾身邊ｏ的人知添！你話幾厲害！以佢出色ｏ既外型，好多時都吸引到唔少異性出手相助，所以工作方面，唔使戥佢擔心，要驚ｏ既反而係驚佢太過工作狂，會冷落屋企人同身邊ｏ個個ｏ者！
至於愛情方面，佢係一個非常圓滑ｏ既人，從小到大佢成日都成為眾人焦點，再加上好識做人，社交圈子不期然大，你話點會無女仔自動送上門？不過又南金星係處女座，令到佢對甜心ｏ既選擇非常之有要求，如果唔係ｏ既話，相信好易會釀成三至七角戀的可能！

又南鍾意ｏ既女性類型：
你靚當然加分，但如果你唔靚，不過俾到滿分安全感佢ｏ既話，你都一樣有機會勝出。ｏ係愛情上面，佢睇ｏ黎並無佢ｏ係事業上咁有信心，所以好多時你要不停咁俾佢知道你有幾愛佢，又或肯定佢付出ｏ既愛係無白費，ｏ係愛面前，佢好悲觀，所以要成為佢身邊ｏ既頭號情人，一定要識引導佢講說話，咁關係就可以長久喇！

對付星座天蠍男招數：一生只愛一個！
天蠍男有股講唔出o既魅力，佢可能唔係好英俊，但你就係有一磁石般ｏ既吸引力無人能及！佢ｏ地ｏ既深而真，愛恨分明而且好專一，所以只要佢睇起你，佢會用盡任何方法去愛你，就算你話夠佢都會照俾，絕不手軟。切忌唔好玩弄佢ｏ既感情，對於出名記仇ｏ既佢ｏ黎講，你ｏ既後果，絕對要自負！

最愛星座：雙魚座
最憎星座：獅子座
招愛物：香水
今年愛情中Point指數：80%

返回寶寶星話一句句主頁