屬於處女座的霆鋒，今年遇左係多事之秋，無計，土象星座今年都唔係行大運之年，所以有甚麼事都係按步就班比較好，至於感情事，就更加係又多又煩，影響工作之餘，仲有機會影響情緒，所以都係以不變應萬變，無咁傷神！

謝霆鋒的內心世界：
出生日期：1980年8月29日
太陽星座：處女座(22/8-22/9)
月亮星座：白羊座

屬於處女加白羊的謝霆鋒，真係好鬼聰明、個腦又轉得快，比起其他處女人，你好願意接受新觀點，仲要夠膽試才抵死！你份人心思好細密，將自己條命當係實驗品，唔試過唔知死！脾氣方面你都幾臭的，成日發脾氣，又好神經質，有咩風吹草動你就驚定先，不過好彩發完脾氣之後好快又笑番，如果唔係，都唔知點同你相處！
感情方面，你外表愈cool，其實內心就愈愛呢個人，但死要面嘛，不過如果你愛一個人的話，你會愛得好激烈，直情要融左人咁，之但係有樣事要小心，就係你會在不知不覺間，以感情當做工具，即係有時會不經意咁利用左他人對你的愛，呢樣事，切記要防。

霆鋒鐘意的女性類型：
如果你肯同佢一齊闖蕩江湖，又肯一齊試下新觀點的話，你就好大機會做佢的另一半，之不過仲有個好重要的問題要解決，就係你一定要頂得住佢的脾氣，所以如果你係一個無咩火氣的人，點鬧都唔會發火的話，咁勝出的機會就會更高喇！

最愛星座：山羊座
最憎星座：人馬座
今年愛情中Point指數：88%
對付星座處女男招數：做個多功能的女人！
對於一個如斯實際的處女男來說，你愈多Functions他愈愛你！你識計數加兩分，你個樣省鏡加五分，甚至乎你識打字、烹飪……，他都會一一將之放進評分表內。沒有人知道在他心目中，他對你的愛有多深；但至少你有權相信，他一定不能沒有你！

返回寶寶星話一句句主頁